Federata e Sindikatave të Shëndetësisë së Kosovës ka reaguar pasi ditën e shtunë një mjek është therur me thikë në Spitalin e Ferizajt.
Federata e Sindikatave të Shëndetësisë së Kosovës përmes një komunikate për media thotë se është mëse e shqetësuar me sulmin ndaj mjekut në Spitalin e Përgjithshëm të Ferizajt.
FSSHK thotë se “është jashtëzakonisht e indinjuar me rastin i cili ka ndodhur gjatë vikendit ndaj mjekut kujdestar pranë Spitalit në Ferizaj dhe njëherit falënderuese ndaj organeve të rendit për reagim të shpejtë ndaj kryerësit të këtij akti”.
“Jo më kot FSSHK këto sulme të vazhdueshme gjithandej vendit i cilëson si fenomen i kthyer në përditshmëri, kjo si rezultat i mos reagimit institucional për sulmet e tilla por edhe marrjen e masave shtesë në sigurimin e kushteve të punës për punëtorët shëndetësor”, thuhet në reagim.
FSSHK vazhdon dhe përsërit kërkesën ndaj Ministrisë së Shëndetësisë, SHSKUK dhe Komunave që sigurinë e punëtorëve shëndetësor ta trajtojnë me prioritet.
Ndryshe, Policia e Kosovës kishte njoftuar se pas një mosmarrëveshje që kishte ndodhur në Qendrën Emergjente të Ferizajt, një person ka sulmuar me thikë mjekun kujdestar.
“Është arrestuar i dyshuari mashkull kosovar pasi që, në Qendrën Emergjente të Ferizajt pas një mosmarrëveshje ka sulmuar me një mjetë të mprehtë (thikë) mjekun kujdestar viktimën mashkull kosovar. Me vendim të prokurorit i dyshuari është dërguar në mbajtje”, njofton Policia./Arbresh.info/
Lajçak: Dy javët e fundit, fokusin e kisha në dialog
“Travel and Tour World”: Shqipëria moment historik të ri në ...
Rama ndan pamjet: Punimet në urën mbi lumin e Tiranës janë r...
Sot mbahet protestë solidarizuese me punëtoret teknike të Ku...
Ngjarjet e paralajmëruara për sot
Shpërthim me tritol në Shkodër