Ministri i Mbrojtjes Armend Mehaj, ka njoftuar se forcat ushtarake të Kosovës kanë përfunduar me sukses trajnimin për qitje luftarake me mortaja.
Përmes një postimi në Facebook, ai ka thënë se trajnimi është mbajtur përmes bashkëpunimit në mes të Forcave të Armatosura të Republikës së Shqipërisë dhe FSK-së, duke shtuar se tani janë rritur kapacitetet, të specializuara me armë të zjarrit indirekt për mbështetje të afërt me zjarr me kalibra dhe municione të ndryshme.
Postimi i tij i plotë:
Forcat tona përfundojnë me sukses trajnimin për qitje luftarake me mortaja.
Shtohen kapacitetet tona të specializuara me armë të zjarrit indirekt për mbështetje të afërt me zjarr me kalibra dhe municione të ndryshme.
Në kuadër të bashkëpunimit dypalësh ushtarak në mes të Forcave të Armatosura të Republikës së Shqipërisë dhe FSK-së, nën drejtimin e instruktorëve të forcave tokësore shqiptare, është realizuar me sukses trajnimi i përbashkët me realizimin e qitjeve luftarake me mortaja dhe xhenion luftarake, në poligonin kombëtar të Bizës.
Vazhdojmë së bashku drejtë sukseseve të radhës!
Së bashku gjithmonë jemi më të fortë! /arbresh.info/
“Travel and Tour World”: Shqipëria moment historik të ri në ...
Rama ndan pamjet: Punimet në urën mbi lumin e Tiranës janë r...
Sot mbahet protestë solidarizuese me punëtoret teknike të Ku...
Ngjarjet e paralajmëruara për sot
Shpërthim me tritol në Shkodër
E pyesin se kur do të pensionohet nga boksi – Joshua impresi...