Google ADS

FSK-ja certifikon grupin e katërt të kursantëve nga Ukraina

18:31 | 4 Shtator 2024
K.B

Sot, në kazermën e Deminimit në Prizren, u mbajt ceremonia e certifikimit të grupit të katërt të kursantëve nga Ukraina, të cilët për gjashtë javë radhazi ndoqën trajnimin EOD ½ nga instruktorët e Kompanisë së Deminimit të FSK-së dhe instruktorët Amerikan të EUCOM.

Siç njofton Forca e Sigurisë së Kosovës, gjatë këtyre javëve kursantët u trajnuan në njohjen e mjeteve shpërthyese, pajisjeve specialistike dhe procedurat e punës se si mund të largohen mjetet shpërthyese në mënyrë sa më të sigurt.

Grupi i kursantëve do të kthehen në Ukrainë për të dhënë kontributin në njësitë e tyre për eliminimin e rreziqeve nga mjetet shpërthyese.

Në ceremoninë e certifikimit i pranishëm ishte zëvendës komandanti i Gardës Kombëtare të Forcës së Sigurisë së Kosovës, kolonel Skender Hoxha, i cili uroi kursantët për përfundimin e trajnimit dhe gjithashtu foli për rëndësinë e trajnimit dhe rolin fisnik të misionit të tyre./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm