Google ADS

Flotë të re të autobusëve nga 1 janari 2025, Rama jep detajet për reformën e sistemit të transportit publik

12:56 | 22 Maj 2024
K.B

Kryetari i Prishtinës, Përparim Rama ka thënë se kanë filluar me reformimin e sistemit të transportit publik.

Sipas tij kjo reformë do të sjellë flotë të re të autobusëve nga 1 janari 2025, më shumë linja të autobusëve sipas nevojave të qytetarëve, mbulim i më shumë rrugëve me transport publik, një biletë për të gjitha linjat në Kryeqytet, pra biletë e integruar dhe sisteme digjitale të pagesës së biletave.

Rama ka bër të ditur gjithashtu se çdo hap i kësaj reforme është bërë në bashkëpunim të ngushtë dhe në konsultim me operatorët privat të linjave të autobusëve, Bankën Evropiane për Zhvillim dhe Rindërtim, përfaqësuesit e bankave në Kosovë dhe të tjerë.

“Kjo reformë do të përfshijë garantimin e kredive për blerjen e autobusëve privat, dhe rrjedhimisht dhënien e linjave të reja për këta operatorë privat”, ka shkuar i pari i Prishtinës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm