Myslimanët shohin Hënën e Re më 24 qershor, por astronomët parashikojnë se kjo nuk do të shihet në pjesën më të madhe të Azisë.

E shtuna ishte dita e 29-të e Ramazanit për Arabinë Saudite dhe vendet që filluan të mbajnë  muajin e agjërimit më 27 maj.

Dita e parë e Fitër Bajramit respektohet të dielën, më 25 qershor, por ajo do të festohet të hënën më 26 qershor në vendet ku sonte mund të shihet Hëna e Re, shkruan AlJazeera.

Astronomët llogaritën se lindja e hënës së re do të jetë të shtunën, më 24 qershor në 02:31 GMT. Shikueshmëria e hënës, megjithatë, varet nga vendndodhja e vëzhgimit dhe nga kushtet meteorologjike.

Më 24 qershor, hëna është vendosur të jetë e dukshme me sy të lirë në Peru, Ekuador dhe ishujt në Oqeanin Paqësor, transmeton arbresh.info.

Gjithashtu pritet të jetë e dukshme me ndihmën optike në pjesë të tjera të Amerikës Latine, në pjesë të Shteteve të Bashkuara dhe në pjesë të Afrikës.

Turqia, si dhe komunitetet myslimane në Australi, Evropë dhe Amerikën e Veriut (ISNA), do të kenë Fitër Bajramin nga e diela, bazuar në llogaritjen astronomike se hëna e re do të lindë të shtunën.

Bangladeshi, India dhe Pakistani filluan Ramazanin më 28 maj dhe prandaj do të shohin hënë e re, të dielën më 25 qershor.

Më 25 qershor, hëna pritet të jetë e dukshme me sy të lirë në të gjithë botën.

Në Kongresin Ndërkombëtar të Unijës së Kalendarit Hijri të mbajtur në Stamboll majin e kaluar, anëtarët e Organizatës së Bashkëpunimit Islamik votuan në favor të miratimit të një kalendari të unifikuar të hënës, transmeton arbresh.info.

Sidoqoftë, shikimi lokal vazhdon të jetë politika e parazgjedhur në çdo vend.

Vitin e kaluar, Fitër Bajrami u festua më 6 korrik./arbresh.info/