Kryesia e Kuvendit të Kosovës ka nisur mbledhjen e paraparë për në orën dhjetë.
Edhe pse është pritur që në këtë mbledhje të caktohet seanca për demarkacionin, kjo e fundit nuk është në rend dite, shkruan arbresh.info.
Si pika të rendit të ditës janë : Formimi i Komisionit parlamentar për MSA-në, Formimi i Komisionit Ad-hoc për përzgjedhjen e kandidatëve për një anëtar të Bordit të Radiotelevizionit të Kosovës nga komuniteti serb dhe Formimi i Komisionit Ad-hoc për përzgjedhjen e kandidatëve për një anëtar të Bordit për Ankesa.
E para se të fillonte mbledhja një gjë të tillë që si pikë e rendit të ditës nuk do të jetë demarkacioni për arbresh.info e ka konfirmuar nënkryetarja e Kuvendit të Kosovës, Aida Dërguti. Ajo ka thënë se nuk pritet që demarkacioni të jetë pikë e rendit të ditës.
“Nuk e besoj se do të jetë si pikë e rëndit të ditës edhe demarkacioni, së paku nuk na kanë njoftuar. Nuk pritet që të jetë demarkacioni, dhe nuk e kanë përmend që është në pyetje demarkacioni”, ka thënë ajo.
Qeveria ke Kosovës dje ka vendosur që Projektligjin për Ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi dhe Raportin vlerësues të Komisionit Shtetëror për Shënjimin dhe Mirëmbajtjen e Kufirit t’i procedojë së bashku në Kuvendin e Kosovës./arbresh.info/
Sulmi ndaj Muhaxherit, Agusholli i VV-së: Akt i shëmtuar dhe...
Real Madrid – Barcelona/ Statistika, analizë, formacionet e ...
Von der Leyen: Duhet ende punë për heqjen e masave ndëshkues...
Muhaxheri flet pas sulmit: Jam shëndosh e mirë
Kurti takohet me presidenten e Komisionit Evropian, Ursula v...
Gjeorgjia mban zgjedhjet parlamentare