Është e rrallë një pamje e tillë.

Jemi mësuar të shohim në fotot në vendet e ndryshme të botës por jo edhe në vendin tonë.

Është kjo shtëpia nga druri e ndërtuar në lisin që është i vjetër më shumë se 80 vjet.

Ndërtimi i kësaj shtëpie të veçantë ka ardhur si ide nga djali, që ka parë pamje të ngjashme në internet fillon rrëfimin, Naim Xhemajli pronari i kësaj shtëpie nga druri.

E për tërë këtë vepër Naimit me familje i janë dashur vetëm një muaj dhe pa ndihmën e askujt.

Plotësimi i dëshirës së një fëmije të vogël u kthye në destinacion nga shumë vizitorë.

Tashmë kjo shtëpi nuk i takon vetëm familjes, vazhdon rrëfimin ai.

“Para tri vite ka filluar ndërtimi i saj. Gjithsej një muaj ka zgjatur. E kemi ndërtuar vetë me familje. Ideja ka ardhur djali i vogël e ka pa në internet dhe kemi dashur ta ndërtojmë edhe ne. Rrymën e bajm me inventar e ujin e bartim vetë”.

E brenda kësaj shtëpizë që të kthen në mendje fëmijërinë dhe imagjinatën, vendet janë të ndara.

Shkallet prej druri të dërgojnë në katin e  parë, i destinuar për qëndrim ditor.

Rreth tij hapësira të mundëson një pamje magjike ku shihet i tërë fshati.

Pikërisht kjo ka qenë edhe arsyeja pse kjo hapsirë është vendosur të jetë e hapur.

E kjo pjesë shfrytëzohet nga pushuesit edhe për grill.

“Kjo hapsirë këtu është terasë, me qellim e kemi lenë, të hapur që të shihet e tërë pamja e fshatit”.

Më shkallë të njëjta të ndërtuara nga druri, por me hapsirë tjetër, vazhdojmë ngjitjen për në katin e dytë, të cilën pamjen edhe më të bukur e bënë lisi i vjetër i ndarë në dysh.

Ndonëse  në pamje nga larg të jep përshtypjen e një shtëpie të vogël, kur i afrohesh, ndryshon mendje.

Nën gjethet e lisit dhe hijen e tij gjendet e një një mini kat i vogël e që shfrytëzohet vetëm për fjetje.

Qetësia e natyrës, e aroma e malit është arsyeja tjetër që kjo shtëpi është bërë mjaftë e kërkueshme për të kaluar fundjavat dhe jo vetëm.

Largimi nga zhurma e rrugëve dhe qytetet e bënë edhe më të veçantë drurin, në të cilën kjo shtëpi është ndërtuar.

Në këtë vend tashmë imagjinata është kthyer në realitet./V.Selimi/arbresh.info/