Ish-presidenti i vendit, Fatmir Sejdiu e ka quajtur vendim historik votimin pro anëtarësimin e Kosovës në Asamblenë Parlamentare.
Sejdiu me anë të një postimi në Facebook, ka thënë se pas debatit Asambleja Parlamentare i dha një mbështetje të fuqishme Kosovës duke e miratuar kërkesën e saj, përcjell Arbresh.info.
Ai beson se me 16 maj Këshilli i Ministrave do të vendos pozitivisht për Kosovën.
Postimi i plotë:
Vendim historik që then barrierat dhe paragjykimet për Kosovën
Sonte Asambleja Parlamentare e Këshillit të Evropës pas debatit që e zhvilloi, me vendimin që mori i dha një mbështetje të fuqishme Kosovës duke e miratuar kërkesën e e saj për të qenë anëtare e KiE.
Vendimi i tillë do t’i dorëzohet Këshillit të Ministrave të BE-së. Duke vlerësuar lartë angazhimin e deputetëve të Asamblesë Parlamentare në mbështegje Republikës së Kosovës, me plot bindje besoj se edhe Këshilli i ministrave do të vendosë pozitivisht për Kosovën.
Duke theksuar në veçanti raportin mbështetës të Dora Bakoyanis-it si dhe diskutimet e deputetëve që e mbështetën atë, mund të thuhet se u thyen barrierat dhe paragjykimet për Kosovën, kërkesën e së cilës e mbështetën edhe deputetë nga vende që ende nuk e kanë njohur.
Krahas, kësaj mbështetjeje, me subjektivitetin e saj si shtet sovran ajo do të ketë mundësi të plota të dëshmojë aftësinë e saj që të shprehë qëndrueshmërinë e saj si vend sovran dhe demokratik. Urime Kosovë !/Arbresh.info
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite