Policia e Kosovës, konkretisht njësiti ILECU-FAST KOSOVA, në vazhdën e bashkëpunimit policor ndërkombëtar me shtetet partnere, ka arritur të arrestoj një person me urdhërarrest ndërkombëtarë.
Sipas njoftimit, i arrestuari është një shtetas i Maqedonisë së Veriut i shpallur në kërkim ndërkombëtar të INTERPOL-it për veprën penale “Trafikim me Narkotik”, përcjell Arbresh.info
“Me datë 29.04.2024 në qytetin e Ferizajt, ky njësit në bashkëpunim të ngushtë me Drejtorinë për Narkotik dhe Njësinë për Reagim të Shpejtë-Ferizaj pas një pune intensive në terren, ka arritur të lokalizoj dhe arrestoj një shtetas nga Maqedonia e Veriut me inicialet A.H., (viti i lindjes 1983) i shpallur në kërkim ndërkombëtar të INTERPOL-it për veprën penale “Trafikim me Narkotik””, thuhet në njoftim.
Me urdhër të Prokurorit kompetent, ndaj të njejtit do të aplikohen procedurat e parapara për këto raste, deri në ekstradimin e tij.
Policia e Kosovës, mbetet e përkushtuar në realizimin e detyrave dhe përgjegjësive të saj ligjore, përfshirë edhe fushën e bashkëpunimit ndërkombëtar policor./Arbresh.info
Vlora e gjunjëzuar pas përmbytjeve, qytetarët: Inspektorët e...
Kurti përmend kërkesat ndaj Serbisë në dialog, në mesin e ty...
Drejtori i policisë Rajonale të Gjilanit takon Komandantin e...
Kurti: Insistojë që marrëveshja e Brukselit të nënshkruhet
Osmani udhëton për në Mal të Zi, do të marrë pjesë në takimi...
Kurti konfirmon ndryshimin e masave për importet nga Serbia