“Fajtore edhe Ministria e Diasporës dhe përfaqësitë diplomatike”

11:48 | 29 Maj 2017
arbresh.info

Nënkryetarja e Lëvizjes Vetëvendosje, Fatmire Kollçaku, ka reaguar ndaj pamundësisë për t’u regjistruar të gjithë mërgimtarët për të votuar në zgjedhjet e parakohshme nacionale të 11 qershorit.

Për dështimin në këtë proces ajo ka bërë fajtore KQZ-në, Ministrinë e Diasporës dhe përfaqësitë diplomatike, shkruan arbresh.info.

Këko komente ajo i ka bërë në ceremoninë e nënshkrimit të Deklaratës për “Rritjen e transparencës financiare gjatë fushatës zgjedhore”.

I menjëhershëm ishte reagimi i kryetares së KQZ-së, Valdete Daka, duke thënë se janë aty për diçka tjetër.

Vetë Daka është arsyetuar se problemi me regjistrimin e mërgimtarëve ka ardhur si pasojë e afatit të shkurtër.

Një ditë më parë, KQZ-ja ka publikuar listën e plotë të mërgimtarëve me të drejtë vote, pas së cilës pati reagime të atyre që nuk janë përfshirë në këtë listë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm