Google ADS

Fadil Nura tregon se si u gjobit qendra tregtare në Skenderaj për shkak të dyfishimit të çmimit

23:52 | 10 Mars 2022
L G

Kryetari i Skenderajt, Fadil Nura, ka treguar për një rast kur bashkë me Drejtorinë e Inspeksionit kanë gjobitur një qendër tregtare, pasi që e njëjta kishte dyfishuar çmimin e artikullit.

“Sot në mëngjes, në bashkëpunim me Drejtorinë e Inspeksionit, kemi marrë aksion të përbashkët për kontrollin dhe verifikimin e çmimeve, me ç’rast kemi hasur në një qendër tregtare që ka manipuluar me çmimet, dhe dy orë pasi e kemi publikuar vendimin, ajo qendër tregtare e ka rikthyer çmimin e mëparshëm”, tha Nura.

Nura tregoi se kjo qendër tregtare, emrin e së cilës nuk e përmendi për shkak të etikës së të bërit biznes, tha se kishte dyfishuar çmimin e produktit.

“Ky veprim më bën të ndihem mirë sepse ka aktivizuar edhe organet qendrore, në këtë rast është aktivizuar edhe prokurorinë e shtetit”, tha Nura në Klan Kosova.

Ndërkohë, Nura tha se për momentin çmimet janë të nivelizuar, dhe se nuk ka ndonjë lëvizje.

Shpërndaje në rrjete sociale

Lajmet më të lexuara

Të ngjashme

Foto lajm