Eurodeputeti holandez, Thijs Reuten, nga Komisioni Evropian ka kërkuar sqarim se pse vazhdon ta mbështesë financiarisht Serbinë edhe pas refuzimit të presidentit serb, Aleksandar Vuçiq, për ta nënshkruar marrëveshjen e ndërmjetësuar nga Bashkimi Evropian me Republikën e Kosovës.

Reutwn, me anë të një postim në Twitter, ka thënë se Vuçiqi po e shfrytëzon BE-në si bankomat të saj, ndërsa ka kërkuar që të ndalet financimi i Vuçiqit.

“Sot, i kërkova Komisionit Evropian (KE) të shpjegojë politikën e saj të pakuptueshme ndaj Serbisë. Vuçiqi përdor Bashkimin Evropian si bankomat të tij, pastaj kthehet dhe refuzon të nënshkruajë marrëveshjen e ndërmjetësuar nga BE-ja me Republikën e Kosovës. Ndaloni këtë financim vetë-shkatërrues të obstruksionizmit të Vuçiqit”, ka shkruar eurodeputeti, përcjell arbresh.info.

Në letrën e tij dërguar KE-së, Reuten ka theksuar se ky organ i BE-së i ka ndarë së fundmi grante në vlerë prej 600 milionë euro Serbisë, derisa siç ka shkruar, në të njëjtën ditë, Vuçiqi ka dalë para gazetarëve për të paraqitur mosgatishmërinë e tij për të nënshkruar marrëveshjen për normalizimin e marrëdhënieve me Kosovën.

Ai ka pyetur në letrën e tij se çfarë hapash do të ndërmarrë BE-ja për ta detyruar Serbinë që ta nënshkruajë këtë marrëveshje.

Today, I asked the @EU_Commission to explain its unintelligible Serbia 🇷🇸 policy.

Vučić uses the European Union as his ATM, then turns around and refuses to sign the EU-brokered agreement with the Republic of Kosovo.

Stop this self-defeating funding of Vučić’s obstructionism. pic.twitter.com/KtSHYUWZvG

— Thijs Reuten 🇪🇺🌹 (@thijsreuten) March 3, 2023