Emisari i Shteteve të Bashkuara të Amerikës për Ballkanin Perëndimor, Gabriel Escobar, ka zhvilluar një intervistë për “Pavlovic Today”, ku ka folur për situatën aktuale mes Kosovës dhe Serbisë.

Escobar është pyetur për masat e ndërmarra ndaj shtetit të Kosovës, ndërsa është përgjigjur se nuk dëshiron të flas për to, por për pasojat të cilat tanimë shteti i Kosovës po përballet, transmeton Arbresh.info.

Ai tha se i kishte ofruar Kosovës një fushatë të re për njohje, për t’i bindur vendet e ndryshme që Kosova ka bërë gjithçka që ishte e nevojshme sipas marrëveshjes së Ohrit.

“Nuk dua të flas për masat. Dua të flas për pasojat. Pra, tashmë Kosova po përballet me pasoja nga mosgatishmëria e saj për të punuar ngushtë me Bashkimin Evropian. Por ajo që po them është ajo që keni nuk janë pasoja, por mundësi të humbura. Kështu që pas Ohrit, unë kisha diskutuar me qeverinë e Kosovës, SHBA-të të nisin një fushatë të re njohjeje për të bindur vendet se Kosova kishte bërë gjithçka që ishte e nevojshme sipas marrëveshjes së Ohrit. Ne prisnim një dialog strategjik dypalësh; ne mezi presim një marrëdhënie më të ngushtë me NATO-n, duke përfshirë potencialisht Partneritetin për Paqe, dhe më pas mbështetjen e kandidaturës së Kosovës në Bashkimin Evropian. Fatkeqësisht, për shkak se ne nuk kemi pasur ndonjë zbatim në Ohër, e gjithë kjo tani është jashtë tryezës. Unë do të doja, do të shpresoja që ne të mund ta bënim këtë në 2024.”, ka thënë Escobar për Pavlovic Today.

Në pyetjen se cili është mesazhi i tij për Kurtin, ai është përgjigjur shumë shkurtë “Të lutëm, mos humb kohë”.

Escobar ka folur për letrën e kryeministrit Kurti drejt Sekretarit të Shteteve të Bashkuara të Amerikës.

Sipas Esocbarit në atë letër është shkruar se I Dërguari i Bashkimit Evropian për Ballkanin Perëndimor, Miroslav Lajçak dhe shefi i diplomacisë së Bashkimit Evropian, Josep Borrell janë duke bashkëpunuar me Rusinë për të pasur një qasje të njëanshme kundër Kosovës dhe kjo gjë faktikisht sipas tij, është e gabuar.

“Epo, unë do t’ju them se letra është faktikisht e gabuar në atë që thotë se Lajcak dhe Borrell po bashkëpunojnë me Rusinë për të pasur një qasje të njëanshme kundër Kosovës” – ka thënë Escobar. /Arbresh.info/