Erdogan: Trupat turke janë duke avancuar në Sirinë veriore

17:27 | 12 Shkurt 2017
Trina Galanxhi

Presidenti i Turqisë, Recep Tayip Erdogan, tha se trupat ushtarake turke dhe luftëtarët aleatë sirianë kanë arritur në zemrën e fortifikuar të Shtetit Islamik, al-Bab, në veri të Sirisë.

Ai ka shtuar se trupat turke do të marshojnë drejt kryeqytetit të ekstremistëve, Raqqa, transmeton portali abresh.info.

Recep Tayip Erdogan tha se luftëtarët e ISIS-it kanë filluar të dezertojnë nga al-Bab, qytet i cili ka qenë nën sulm për disa javë.

Megjithatë, Observatori sirian për të Drejtat e Njeriut, që mbështet një rrjet aktivistësh brenda Sirisë, thotë se trupat turke ende nuk kanë hyrë në qendër të qytetit dhe se luftimet janë ende të përqendruara në rrethinën e qytetit.

Forcat turke të mbështetur nga opozita kanë për synim marrjen në kontrollë të qytetit verior al-Bab, ndërsa qëllimi kryesor është marrja e qytetit Raqqa, e cila është e rrethuar kryesisht nga forcat e SHBA-ve që mbështetsin forcat kurde./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm