Enver Sekiraqës i hiqet masa e arrestit shtëpiak

13:23 | 10 Shkurt 2024
E.K

Enver Sekiraqës i është zëvendësuar masa e arrestit shtëpiak me masën e paraqitjes në stacion policor një herë në javë.

Lajmin për Arbresh.info e ka konfirmuar avokatja e tij, Kosovare Kelmendi.

“Po është liruar nga arresti shtëpiak dhe i zëvendësohet me paraqitje në polici një herë në javë”, ka thënë Kelmendi.

Ndryshe, aktakuza ndaj Enver Sekiraqës ishte ngritur në prill 2014 për tri vepra penale, për nxitje në vrasjen e Triumf Rizës, “detyrim” dhe “dhunim”, ku për këtë të fundit, gjykata e shkallës së parë e kishte shpallur të pafajshëm.

Triumf Riza u vra më 30 gusht të vitit 2007, vrasje për të cilën Arben Berisha është dënuar me 35 vjet burg, ndërsa Enver Sekiraqa ishte dënuar me 37 vjet burgim. /Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm