Enver Hoxhaj i gëzohet njohjes së Kosovës nga Madagaskari

22:22 | 25 Nëntor 2017
Arbresh.info

Sot Kosovës ju shtua edhe një njohje nga Madagaskari.

Këtë lajm e bëri të ditur vetë zëvendëskryeministri i parë, Behgjet Pacolli, shkruan arbresh.info.

E sigurisht që këtij lajmi i janë gëzuar të gjithë, ishte Enver Hoxhaj ai i cili ka reaguar për njohjen e Mdagaskarit, duke e cilësuar këtë njohje si një mesazh për Serbinë dhe për përpjekjet e saj për të dëmtuar Kosovën në nivelin ndërkombëtar.

“Një lajm jashtëzakonisht i mirë njohja nga Madagaskari, në prag të shënimit të 10 vjetorit të pavarësisë, e cila erdhi si rezultat i punës së madhe disa vjeçare të stafit të Ministrisë së Jashtme. Kjo njohje vjen pikërisht në kohën e duhur për të dëshmuar se pavarësia e Kosovës është realitet i pakthyeshëm, dhe se pavarësisht përpjekjeve të Serbisë për ta dëmtuar Kosovën ndërkombëtarisht, bota tashmë e ka pranuar realitetin e ri dhe Kosovën e pavarur. Urime”, ka shkruar Hoxhaj në Facebook./arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm