Google ADS

Elshani: S’ka zgjatje të orarit për Njësinë Speciale, ka përshtatje

16:20 | 26 Mars 2024
E.G

Një ditë më parë u raportua se është zgjatur orari i pjestarëve të Njësisë Speciale në veri të vendit.

Ushtruesi i detyrës së komandanti i Stacionit të Policisë për rajonin e Veriut, Veton Elshani për Arbresh.info ka thënë se nuk ka zgjatje të orarit për policët që janë të angazhuar në katër komunat veriore, por përshtatje të tij.

“Nuk ka zgjatje të orarit. Ka përshtatje të orarit, që ndodhë varësisht prej kërkesave në teren, por zgjatje jo”, ka thënë Elshani.

Ai theksoi se situate e sigurisë në katër komunat veriore është e brishtë dhe për këtë Policia e Kosovës është nën vëzhgim të vazhdueshëm.

“Situata është ende e brishtë. Për këtë ne si institucion i policisë po vazhdojmë kryerjen e detyrave tona duke e vëzhguar situatën në vazhdimësi dhe ofrimin e sigurisë për të gjithë qytetarët që jetojnë atje”, tha ndër të tjera ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm