Prokurori i shtetit, Aleksandër Lumezi i ka përgenjeshtruar deklaratat e Riza Smakës ku ai kishte thënë se Aleksandër Lumezi i kishte thënë se nuk e kishte kryer provimin e Jurispodencës.

“Lumezi u refuzua pikërisht për provimin e jurisprudencës, jo që u dyshua për vërtetësi, por meqë vetë kishte deklaruar se nuk e kishte të dhënë atë”, janë deklaratat e Smakës.

Në anën tjetër Prokurori Aleksandër Lumezi për portalin arbresh.info ka thënë se e vetë Riza Smaka e kishte propozuar pasi që sipas tij Smaka ishte kryetar I komisonit.

“Unë e kam vendimin që Kushneri më ka emëruar më 8 Gusht në vitin 2000. Ky vetë më ka propozuar pasi që ka qenë kryetar i komisionit. Ato çfarë thotë janë gënjeshtra”, ka thënë Lumezi për arbresh.info.

Ndryshe në vendimin që ka Lumezi shkruan se Bernar Kouchner, I dërguar Special i Sekretarit të Përgjithshëm e kishte emëruar zëvendës prokuror të Gjykatës Komunale të Prishtinës duke marr për bazë rekomandimin e Komisionit Këshillues të Gjyqësorit, kryesues I të cilit ishte Riza Smaka.

VENDIMI:

I dashur zotëri Lumezi,
Më 8 gusht 2000 unë të emërova si Zëvendës Prokuror të Gjykatës Komunale të Prishtinës në pajtim me autoritetin e dhënë nga Rezoluta 1244 e 10 qershorit 1999 e Këshillit të Sigurimit të Kombeve të Bashkuara, dhe duke marrë në konsideratë rekomandimin e Komisionit Këshillues të Gjyqësorit të vendosur nën rregulloren Numër 1999/7 të UNMIK-ut.
Në përgjigje të nevojës për të ruajtur shërbimet gjyqësore në Kosovë, nëpërmjet kësaj unë e zgjas mandatin e emërimit nga 1 janari 2001 deri dhe përfshirë me 31 mars 2001, sipas kushteve të specifikuara në letrën paraprake të emërimit.
Zgjatja e lartcekur e emërimit do të hyjë në fuqi me 1 janar 2001.
Bernar Kouchner, I dërguar Special i Sekretarit të Përgjithshëm