Google ADS

Edita Tahiri thotë se s’ka formim të Asociacionit pa u shuar strukturat paralele

15:22 | 8 Shkurt 2017
M. A.

Ministrja për Dialog, Edita Tahiri, ka thënë se Asociacioni i komunave me shumicë serbe nuk do të formohet pa u shuar strukturat paralele.

Në raportimin e saj para Komisionit Parlamentar për Punë të Jashtme, ajo ka deklaruar se dialogu është pa alternativë.

“Dialogu nuk është asnjëherë i lehtë. Por pas luftës gjithmonë vjen paqja. Pa dialog në Rambuje nuk do të ishim këtu ku jemi”.

“Për situatën në veri është fajtor UNMIK-u. Krahasuar me atë kohë ne kemi shënuar përparime dhe jemi duke e shtrirë sovranitetin në të gjithë vendin”.

“Kemi shuar strukturat paralele, janë ndërruar tabelat e automjeteve në atë pjesë. Kështu shtrihet sovraniteti”.

“A ka ende struktura paralele? Ka në ato fusha për të cilat nuk ka marrëveshje. Pa shuarjen e tyre nuk do të formohet Asociacioni i komunave me shumcië serbe”.

Shpërndaje në rrjete sociale

Lajmet më të lexuara

Të ngjashme

Foto lajm