Edhe pse në arrest shtëpiak, Milaim Zeka shkon në…

11:35 | 18 Tetor 2017
L G

Milaim Zeka merr pjesë në Komisionin parlamentar të Administratës Publike.

Deputeti i Nismës për Kosovën, Milaim Zeka, i cili është arrestuar ditë më parë si i dyshuar për mashtrim të kosovarëve që kanë paguar para viza pune në Gjermani, të cilat nuk ishin marrë kurrë.

Zeka është anëtar i Komisionit për Administratë Publike, Qeverisje Lokale dhe Media, komision i cili është mbledhur sot dhe deputeti Zeka ka mbërritur i fundit, raporton KTV.

Në këtë komision aktualisht po shqyrtohet raporti për vitin 2016 i Këshillit të Pavarur Mbikëqyrës për Shërbimin Civil.

Në rend dite janë edhe raportet për vitin 2016 të KPM-së dhe RTK-së.

Kujtojmë se dje, gjyqtari Isuf Makolli e ka refuzuar kërkesën e Prokurorisë për caktim të masës së paraburgimit për deputetin Milaim Zeka.

Kështu, ai ka caktuar masë më të lehtë, atë të arrestit shtëpiak për 1 muaj.

Edhe për këtë masë, mbrojtja ka paralajmëruar ankesë. Prokurori Afrim Shefkiu është duke e hetuar deputetin për “pjesëmarrje ose organizim të grupit kriminal, mashtrim dhe shmangie tatimi”.

auto_22642914_10159597091250271_1484045462_o1508316047

Shpërndaje në rrjete sociale

Lajmet më të lexuara

Të ngjashme

Foto lajm