Edhe Kosova në draft listën e shteteve me të cilat Evropa do të hapë kufijtë

19:30 | 25 Qershor 2020
L G

Të mbyllur në një sallë takimesh në Bruksel, zyrtarët po debatojnë se kush do të lejohet të hyjë në BE më 1 korrik kur kufijtë ndërkombëtarë të bllokut planifikohen të hapen – dhe kush do të ndalohet.

Lista tashmë ka ngjallur polemika, pasi burimet zbuluan se Shtetet e Bashkuara – vendi i prekur më keq në të gjithë botën nga COVID-19 me më shumë se 2.4 milion raste, nuk është në të.

Brazili dhe Rusia gjithashtu besohet se janë në listën e mos-hyrjes për shkak të përgjigjeve të tyre ndaj virusit.

Të enjten, zyrtarët evropianë nuk arritën të marrin një vendim mbi të cilin vendet do të ndalohen nga hyrja edhe pasi të hapen kufijtë e jashtëm të bllokut, me një diplomat të BE-së duke i thënë Euronews se zyrtarët “nuk mund të arrijnë një marrëveshje” dhe se bisedimet do të vazhdojnë të premten.

Euronews ka marrë, nga burimet diplomatike të BE-së, listën e plotë të vendeve për të cilat do të hapen kufijtë e Evropës, dhe mund të konfirmojë që Brazili, Katar, Sh.B.A dhe Rusia nuk janë me të vërtetë në të.

Burimet gjithashtu hodhën në dyshim datën e rihapjes së kufijve të 1 korrikut, duke sugjeruar se marrëveshjet nuk do të vijnë me kohë.

Lista e plotë e vendeve, shtetasit e të cilëve do të lejohen të hyjnë në Europë, sipas draft listës, është si më poshtë:

Qyteti i Vatikanit

Monaco

Mali i Zi

Andorra

Serbia

Bosnja dhe Hercegovina

Ukrainë

Shqipëri

Turqi

Kosovë