Ministrin Rashiq e quajnë “tradhtar” pasi e kundërshtoi Vuçiqin

17:09 | 28 Shtator 2023
E.K

Ministria për Komunitete dhe Kthim i ka bërë thirrje presidentit të Serbisë, Aleksandër Vuçiq që ta ndalojë shënjestrimin ndaj ministrit Nenad Rashiq.

Kjo ministri përmes një postimi në Facebook, ka publikuar shumë kërcënime nga qytetarët serbë të cilët e quajnë Rashiqin “tradhtar” e madje edhe e kërcënojnë, pasi ai ka kundërshtuar sulmin terrorist në Banjskë dhe kishte dhënë kritika ndaj presidentit serb.

“Ministria për Komunitete dhe Kthim, njofton publikun se pas paraqitjes së mbrëmshme të Presidentit të Republikës së Serbisë Aleksandar Vuçiq dhe shënjestrimit të tij dhe shënjestrimit të Ministrit për Komunitete dhe Kthim Nenad Rašić dhe Zëvendësministrit Radoica Radomirović, si rezultat kemi kërcënimet më monstruoze.Me këtë rast i bëjmë apel Aleksandar Vuçiqit që të ndalojë shënjestrimin dhe tërheqjen e objektivit për të mos çuar në përsëritjen e historisë së fundit”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm