Ish- kreu i Partisë Demokratike të Kosovës(PDK) , Kadri Veseli ka ardhur në Kosovë.

Lajmin për arbresh.info e ka konfirmuar zyra për media e Dhomave të Specializuara të Kosovës në Hagë.

Veseli ka ardhur për të qëndruar pranë familjes së tij me rastin e vdekjes së babait të tij Fazli Veseli.

Angela Griep, Shefe e Njësisë për Informim dhe Komunikim me Publikun i ka thënë arbresh.info se Veseli është lejuar të vijë në Kosovë për të marrë pjesë në të pamën e babait të tij.

“Gjyqtari i procedurës paraprake udhëzoi Zyrën e Regjistrimit që të lejonte zotëri Kadri Veselin për një vizitë nën mbikëqyrje me familjen e tij të ngushtë për rastin e vdekjes së babait. I akuzuari mbetet në paraburgim të Dhomave të Specializuara. EULEX dhe Policia e Kosovës po mbështesin Dhomat e Specializuara të Kosovës”, ka thënë Griep për arbresh.info.

Ndryshe, Fazli Veseli, babai i Kadri Veselit ndërroi jetë të mërkurën në moshën 94 vjeçare dhe po të njëjtën ditë u varros.

Veseli u kishte dërguar letër familjarëve të tyre që të mos e presin dhe të kryhet ceremonia e varrimit.

Të pranishëm në ceremoninë e varrimit ishin shumë fytyra publike e politike./arbresh.info/