Dyshohet se është sulmuar një shqiptar në veri, i merret edhe vetura

11:42 | 24 Tetor 2018
M. A.

Një 28 vjeçar shqiptar me inicialet E.B, dyshohet se është rrahur mbrëmë nga tre persona në Veri të Mitrovicës, me ç’rast ka pësuar lëndime dhe është trajtuar në spital, ndërsa sulmuesit ia kanë marr edhe veturën.

Ngjarja ka ndodhur mbrëmë rreth orës 01:00 pas mesnate, tre persona që flisnin gjuhën serbe, e kanë rrahur viktimën, ia kanë marrë veturën Golf VI, duke e lënë në rrugë dhe në gjendje kritike.

Sipas dëshmitarëve të rastit, viktima pas trajtimit mjekësor në jug të Mitrovicës, ka shkuar së bashku me avokatin në stacionin policor në veri, por për shkak të gjendjes së rënduar shëndetësore, nuk ka mundur të jap deklaratë./kp

 

Shpërndaje në rrjete sociale

Lajmet më të lexuara

Të ngjashme

Foto lajm