Drejtori i Drejtorisë për Hetimin e Trafikimit me Qenie Njerëzore në Policinë e Kosovës, Riza Murati, dyshohet të ketë ushtruar dhunë ndaj bashkëshortes së tij për çka po hetohet për veprën penale “Dhunë në familje”.
Lidhur me këtë Inspektorati Policor i Kosovës i ka rekomanduar Policisë së Kosovës suspendimin e një kapiteni policor respektivisht shefit të sektorit qendror për hetimin e trafikimit me njerëz.
Rekomandimi është bërë bazuar në autorizimet ligjore të IPK-së pasi që kapiteni policor është i dyshuar për veprën penale “Dhunë në familje”.
“Hetuesit e IPK-së janë në komunikim të vazhdueshëm lidhur me këtë rast me Prokurorinë Themelore në Mitrovicë të cilës i janë përcjellë raporte/ deklarata lidhur me veprimet hetimore”, thuhet në njoftimin e IKP-së.
Tutje thuhet se, IPK në kuadër të veprimeve hetimore, sipas procedurave të parapara ka njoftuar edhe Mbrojtësin e Viktimave të cilët kanë parashtruar kërkesën për Urdhër Mbrojtës në gjykatën kompetente.
Duke marrë për bazë dyshimin për veprën penale në hetimin e këtij rasti, bazuar në autorizimet ligjore të IPK-së, është rekomanduar suspendimi i kapitenit policor.
Veprimet tjera hetimore do të ndërmerren nga hetuesit e IPK-së në koordinim të plotë me Prokurorinë e Shtetit./Arbresh.info/
Përzgjedhësi i Serbisë, Stojkovic befason me fjalët e tij pë...
Shpërthim i fuqishëm në Bejrut, Izraeli urdhëron evakuimin e...
Parashikimi i motit për sot në Shqipëri
Pesë komisione parlamentare mblidhen sot
Diell dhe vranësira, parashikimi i motit për sot në Kosovë
Maqedonci raporton sot në Komisionin për Siguri