Gjykata Themelore në Ferizaj, ka aprovuar kërkesën e Prokurorisë Themelore të Ferizajt, për caktimin e masës së paraburgimit kundër të pandehurve R.P. dhe B.P. shtetas të Republikës së Kosovës, për shkak të dyshimit të bazuar se kanë kryer secili veç e veç veprën penale sulm seksual.
“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar mirë, se të pandehurit R.P. dhe B.P., më 29 mars 2022 në Kaçanik dhe gjatë rrugës për në Prizren, kanë keqpërdorur seksualisht të dëmtuarën – e mitur 13 vjeçare”, thuhet në njoftimin e gjykatës.
Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurve e ka aprovuar si të bazuar konform dispozitave të KPPRK-së, dhe të njëjtëve i`u është caktuar masa e paraburgimit në kohëzgjatje prej një muaj.
Me këtë rast palët njoftohen se ankesa kundër këtij aktvendimi nuk e shtynë ekzekutimin e tij./arbresh.info/
A e ka zbuluar Carlo Ancelotti fituesin e Topit të Artë të k...
Paralajmëron OKB: Momenti më i errët i luftës së Gazës po sh...
Në Ditën Kombëtare të Austrisë, në Komunën e Prishtinës valo...
Hamza dënon sulmin ndaj Muhaxherit: Akt i ulët dhe i papranu...
Musliu – Shoshi: Ftojmë organet e drejtësisë që të hetojnë a...
Krasniqi: Sulmi ndaj Muhaxherit, akt i ulët dhe i papranuesh...