Dy të vdekur në aksidente vetëm dje

10:27 | 14 Qershor 2017
Arbresh.info

Raportohet për një aksident trafiku në mes të një veture dhe një automjeti (kamion) në autostradën Vërmicë-Prishtinë.

Përveç dëmeve materiale lëndime vdekjeprurëse ka pësuar viktima femër shtetase e Suedisë, vdekjen e të cilës e ka konstatuar ekipi mjekësor në vendngjarje.

Me vendim të prokurorit dy të dyshuarit meshkuj, njëri K/Shqiptar dhe tjetri shtetas i Sllovenisë janë dërguar në mbajtje, shkruan arbresh.info.

Rasti tjetër ka ndodhur në rrugën “Dëshmorët e Kombit” në Mitrovicë ku raportohet se një person duke drejtuar automjetin  e tij nga pakujdesia ka humbur kontrollin duke përfunduar jashtë rrugës.

Si pasojë lëndime vdekjeprurëse ka pësuar vetë drejtuesi, vdekjen e të cilit e ka konstatuar ekipi mjekësor ndërsa lëndime trupore kanë  pësuar dy pasagjerë ku njëri prej tyre është dërguar në QKUK për trajtim të nevojshëm mjekësor.

Me vendim të prokurorit trupi i pajetë është dërguar në IML për obduksion./Arbresh.info.

 

Shpërndaje në rrjete sociale

Lajmet më të lexuara

Të ngjashme

Foto lajm