Dy të burgosur ngjiten në kulmin e Burgut të Mitrovicës

10:07 | 5 Janar 2021
Arbresh.info

Dy të burgosur janë ngjitur në kulmin e Qendrës së Paraburgimit në Mitrovicë në mëngjesin e sotëm.

Të njëjtit kanë kërkuar që të bisedojnë me prokurorin dhe vetëm pas bisedës me të janë pajtuar që të zbresin poshtë, shkruan arbresh.info.

Lajmin për arbresh.info e ka konfirmuar zëdhënësi i Shërbimit Korrektues të Kosovës, Florent Gashi.

Gashi ka bërë me dije se lidhur me këtë rast, SHKK-ja ka themeluar Komision Hetimor.

“Të burgosurit kanë dëmtuar grilën e dritares së dhomës, pastaj kanë dëmtuar edhe dritaren dhe kanë arritur të ngjiten lartë në kulm të QP Mitrovicë. Pas shumë kërkesash, kërkesa e tyre kryesore ka qenë, se janë të pa kënaqur me gjykatën, me ç’rast kanë kërkur të bisedojnë me prokurorin, dhe pas bisedës me prokurorin në prezencë edhe të policisë dhe zv.drejtorit të Përgjithëm të SHKK-së, Rasim Selmani, të njëjtit janë pajtuar të zbresin poshtë”, ka thënë Gashi./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm