Google ADS

Durrës, Isa Mustafa në takimin e kryeministrave të Ballkanit

11:44 | 25 Gusht 2017
arbresh.info

Kryeministri i Kosovës, Isa Mustafa, do të marrë pjesë në takimin joformal të kryeministrave nga vendet e  Ballkanit Perëndimor, këtë fundjavë.

I pyetur nga arbresh.info se çfarë pret nga ky takim, ai është shprehur se takimi në Durrës, është i drejtuar mbi dokumentet e pajtuara në Trieste.

“Do të shohim se çfarë mekanizma do t’i ndërtojmë bashkërisht në mënyrë që ky orientim të realizohet. Kemi interes të rrisim bashkëpunimin ekonomik në rajon,” është shprehur Mustafa.

Zyra e kryeministrit të Shqipërisë, Edi Rama, do të jetë mikpritës i këtij takimi joformal të kolegëve të tij nga vendet e tjera të Ballkanit Perëndimor, këtë fundjavë, shkruan arbresh.info.

Në kumtesë theksohet se takimi njëditësh për tregtinë, shërbimet, investimet dhe ekonominë digjitale, do të mbahet nesër, në qytetin e Durrësit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm