Durmishi: Për herë të parë eskavatorët nga Kosova ndërtojnë rrugë edhe brenda territorit të Shqipërisë

18:57 | 12 Mars 2024
E.G

Zëvendësministri i Infrastrukturës, Hysen Durimishi ka njoftuar se ka filluar punimet për ndërtimin e rrugës Kërstec – Pakishtë – Zapod.

Me anë të një postimi në Facebook, Durmishi tha se rruga është me gjatësi 6.3 kilometra e me kosto të ndërtimit 2.3 milion euro e financuar nga qeveria e Kosovës, shkruan Arbresh.info.

Sipas tij, kjo është hera e parë që eskavatorët nga Kosova ndërtojnë rrugë edhe brenda territorit të Shqipërisë.

“Për herë të parë eskavatorët nga Kosova ndërtojnë rrugë edhe brenda territorit të Shqipërisë Në bazë të marrëveshjes ndërmjet dy qeverive tona filluam me punime për ndërtimin e rrugës Kërstec – Pakishtë – Zapod. Rruga është me gjatësi 6.3 kilometra e me kosto të ndërtimit 2.3 milion euro e financuar nga qeveria e Kosovës.”, ka shkruar Durmishi.

Ndër të tjera ai tha se kjo rrugë është vetëm fillimi  për të vazhduar edhe me shumë rrugë që siç tha ai, lidhin fshatrat në brezin kufitar të ndarë padrejtësisht./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm