Google ADS

Dugolli edhe një shkresë Speciales: Gjykata ka juridiksion të hetojë Masakrën e Dubravës

11:57 | 15 Maj 2023
E.H

Deputeti i Lëvizjes Vetëvendosje, Enver Dugolli sërish i është drejtuar me një shkresë Gjykatës Speciale, nga e cila kërkon që të hetojë masakrën e Dubravës.

Me anë të një postim në Facebook, Dugolli theksoi se si viktimë dhe i mbijetuar i masakrës së Dubravës nuk do të ndalet së kërkuari drejtësi.

“Sot prapë i kam dërguar në shkresë u.d. prokurorit të specializuar, z. Alex Whiting. Kjo shkresë ofron argumente shtesë duke u bazuar në tri vendimet e lëshuara nga vetë Gjykatës Speciale, se i takon juridiksionit lëndor. Pra, Gjykata Speciale ka juridiksion lëndor mbi krimet e kryera të forcave serbe gjatë planifikimit dhe ekzekutimit të masakrës së Dubravës. Në bazë të argumenteve të parashtruara me këtë shkresë, nuk mbetet më asnjë dyshim: prokuroi i specializuar ka juridiksion të plotë për ta hetuar këtë rast. Si viktimë dhe i mbijetuar i masakrës së Dubravës, nuk do pushoj së kërkuari drejtësi!”, shkruan Dugolli. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm