Presidentja e Kosovës, Vjosa Osmani ka nda titullin Ambasadore Nderi e Republikës së Kosovës për këngëtaren shqiptare me famë botërore, Dua Lipa.

Ky çmim sipas presidentes Osmani i jepet Dua Lipës si shenjë falënderimi i shtetit ndaj saj, që po vazhdon ta nderojë vendin në çdo hap e çdo paraqitje, shkruan arbresh.info.

“Sot, Dua Lipës, i ndava titullin Ambasadore Nderi e Republikës së Kosovës, sepse ajo vazhdon ta nderojë vendin tonë në çdo hap e çdo paraqitje. E falenderova, në emër të të gjithë qytetarëve të Republikës së Kosovës për gjithçka që ka bërë dhe po bënë që zëri ynë të dëgjohet kudo në botë”, shkruan Osmani.

Sipas Osmanit për shkak të Duas, nuk ka njeri që nuk e njeh Kosovën, të cilën edhe kësaj radhe e ka bërë kryeqendër të kulturës botërore, nëpërmjet festivalit Sunny Hill.

“Dua dhe Anda kishin kënaqësinë e veçantë ta takojnë super yllin tonë, ikonën e pop muzikës, e cila është shndërruar në inspirim e model për vajzat anekënd botës. Ajo po e shfrytëzon zërin dhe talentin e saj të jashtëzakonshëm, jo vetëm për t’i ofruar botës këngë që lënë gjurmë, por edhe për ta prezantuar imazhin më të mirë të Kosovës kudo në botë. Sot, për shkak të Duas, nuk ka njeri që nuk e njeh Kosovën, të cilën edhe kësaj radhe e ka bërë kryeqendër të kulturës botërore, nëpërmjet festivalit Sunny Hill”, shkruan presidentja Osmani në Facebook.

Ndryshe, për katër natë rresht, nga dita e enjte (4 gusht) e deri të dielën festivali ndërkombëtar Sunny Hill po mbahet në Prishtinë.

Ky festival është nën organizimin e Dukagjin Lipës, babait të Dua Lipës.

Ky festival ka sjell në Prishtinë DJ dhe këngëtarë me famë botërore, duke bërë që Kosova të jetë në krye të artikujve në mediet botërore. /arbresh.info/

Postimi i plotë: