Kandidati i AAK-së në balotazhin për Istogun, Gani Dreshaj, ka mohuar se është pronar i një lokali në Hamburg të Gjermanisë, i cili është raportuar se është klub striptizi.
Në emisionin “Interaktiv” të KTV-së ka thënë se lokali është “go go dance” dhe se në të mysafirë janë kryesisht familjarë, derisa kandidati i LDK-së, Haki Rugova, e ka lutur Dreshajt që të mos e hap një klub të tillë në Istog.
“Është pronë e familjes time, është lokal arti, në atë lokal kanë qenë zyrtarët e lartë të LDK-së, nuk është klub striptizi, 80 për qind i kam mysafirët familjarët, në të nuk jam pronar qe tetë vjet. Kush është i interesuar mund të vijnë të shohin, është një ‘go-go dancing’”, ka thënë Dreshaj.
Në debatin në të cilin ishte i ftuar edhe Haki Rugova i LDK-së, ka mohuar akuzat e Dreshajt se ka ikur në dy aksidente trafiku.
“Kam dëshmitar Gazmend Muhaxherin, unë nuk kam qenë duke vozitur, fatmirësisht çdo gjë ka përfunduar pa ndonjë të keqe”, ka thënë Rugova, i cili ka premtuar se do të ngre padi për shpifje ndaj Dreshajt.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite