Google ADS

Drejtoria e Inspekcionit i largon konstruksionet e vendosura pa leje në Pallatin e Rinisë

09:25 | 8 Korrik 2022
Xhejlane Haliti

Drejtoria e Inspekcionit në Komunën e Prishtinës të premten në mëngjes ka zhvilluar një aksion në Pallatin e Rinisë me qëllim të largimit të disa konstruksioneve të vendosura pa leje në këtë Pallat e që sipas organeve kompetente po rezultojnë në ndryshim të pamjes origjinale të këtij objekti.

Këtë aksion të Drejtorisë së Inspekcionit nga afër e ka vëzhguar edhe kryetari i Komunës së Prishtinës, Përparim Rama, pasi largimi i këtyre konstruksioneve ka qenë kërkesë e vetë kryetarit.

“Kemi një intervenim këtu, çlirimin e hapësirave të cilat kanë qenë të uzurpuara, siç e dini pallati është i mbrojtur me ligj dhe kemi dashur ta mbrojmë nga këto gjëra që kanë ndodhur që nga pas lufta. Do të vazhdojmë me të gjitha këto, që i bënë dëm brendit të kryeqytetit. Po punojmë me përkushtim në ruajtjen e origjinalitetit të objekteve që shpërfaqin memorien kolektive të shumë gjeneratave e që është e domosdoshme të ruhen si trashëgimi kulturore e Kryeqytetit”, tha Rama./EO

 

Shpërndaje në rrjete sociale

Lajmet më të lexuara

Të ngjashme

Foto lajm