Drejtori i Përgjithshëm i Shërbimit Korrektues të Kosovës, Ismail Dibrani, së bashku me pjesëtarët e Njësisë së Inteligjencës Korrektuese, me ftesë të Departamentit të Drejtësisë së Shteteve të Bashkuara të Amerikës dhe Byrosë Kundër-Terrorizmit të Departamentit të Shtetit (ICITAP), po marrin pjesë në Konferencën e vitit 2024 të Shoqatës Korrektuese Amerikane, e cila po zhvillohet në Nashville, Tenesi, SHBA.
“Konferenca e Shoqatës Korrektuese Amerikane është një nga ngjarjet më të rëndësishme globale në fushën e menaxhimit dhe reformës së sistemit korrektues, ku mblidhen profesionistë nga mbarë bota për të ndarë përvojat dhe praktikat më të mira në administrimin e burgjeve dhe trajtimin e të burgosurve”, thuhet në njoftim.
Në këtë konferencë, Dibrani pritet të diskutojë për sfidat me të cilat përballet sistemi korrektues i Republikës së Kosovës, arritjet e SHKK-së në ndërtimin e kapaciteteve të reja me themelimin e njësive të reja, rezultatet e këtyre njësive, si dhe mundësitë për të forcuar bashkëpunimin me partnerët ndërkombëtarë në fushën e sigurisë dhe drejtësisë.
“Pjesëmarrja e tij në këtë ngjarje të rëndësishme është dëshmi e angazhimit të Republikës së Kosovës për të ndjekur standardet më të larta ndërkombëtare në administrimin e drejtësisë dhe për të ndërtuar një sistem korrektues që promovon respektimin e të drejtave të njeriut dhe ri-integrimin e të burgosurve në shoqëri”, përfundon njoftimi./Arbresh.info
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite