Kryetari i Komisionit Parlamentar të Serbisë për Kosovën Milovan Drecun ka thënë se vendet perëndimore nuk janë duke treguar gatishmëri për të zgjidhur problemin me Kosovën, por se po e inkurajojnë Prishtinën të vazhdojë refuzimin për të zbatuar marrëveshjen e dakorduar, transmeton portali arbresh.info.
“Vendet perëndimore nuk tregojnë një gatishmëri për të zgjidhur problemin afatgjatë të Kosovës, por inkurajojnë Prishtinën të vazhdojë refuzimin e saj për të zbatuar atë që rënë dakord, që është formimi i komunave serbe”, tha sot kryetari i Komisionit Parlamentar për Kosovën.
Sipas Drecun, Perëndimi po përpiqet të bindë Beogradin që të bëjë lëshime, që mendohet të jetë ulësja në OKB për Kosovën, por që në Serbi është e papranueshme.
“Është e qartë se Perëndimi po përpiqet të bindë Beogradin për të bërë lëshime. Një konçesion kyç për ta do të ishte që disi t’i hapte derën e Kombeve të Bashkuara. Në Beograd është, natyrisht, e papranueshme”, ka thënë Drecun për RTS.
Më herët është raportuar që shtetet e fuqishme evropiane si Franca e Gjermania kanë propozuar që të formohet Asociacioni i Komunave Serbe në këmbim të njohjes së Kosovës nga ana e Serbisë./Arbresh.info/
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...