Dogana e Kosovës njofton se ka parandaluar futjen e mallrave të padeklaruara në Pikën Kufitare Vërmicë.
Mallrat e padeklaruara përfshinin tonera të llojeve të ndryshme, në sasi prej 57 copë, me vlerë totale mbi 1,000 euro, bazuar në faturën e gjetur.
Sipas njoftimit të gjitha mallrat janë konfiskuar dhe ka filluar procedura kundërvajtëse kundër personit përgjegjës.
Njoftimi i plotë:
Dogana e Kosovës gjen mallra të fshehura në një automjet në pikën kufitare të Vermicës
Prizren, 20 Qershor 2024, Dogana e Kosovës ka parandaluar futjen e mallrave të padeklaruara në Pikën Kufitare Vermicë.
Pas ndalimit të një automjeti, drejtuesi është pyetur nëse kishte ndonjë gjë për të deklaruar për Doganën, dhe ai është përgjigjur negativisht. Mjeti është selektuar për kontroll të dytë, me asistimin e zyrtarëve policorë. Gjatë ekzaminimit të mjetit, janë gjetur mallra të padeklaruara dhe të cilat ishin kamufluara nën pajisjet e peshkimit në sediljen e pasme dhe në bagazh.
Mallrat e padeklaruara përfshinin tonera të llojeve të ndryshme, në sasi prej 57 copë, me vlerë totale mbi 1000 euro, bazuar në faturën e gjetur. Bazuar në këtë fakt, pala ka shkaktuar kundërvajtje doganore të sanksionuar sipas nenit 244.1.1 të KDAK-së.
Të gjitha mallrat janë konfiskuar dhe ka filluar procedura kundërvajtëse kundër personit përgjegjës.
Dogana e Kosovës mbetet e përkushtuar në zbatimin rigoroz të ligjeve dhe rregulloreve në fuqi për të siguruar një tregti të drejtë dhe të sigurt për të gjithë qytetarët dhe bizneset e Kosovës./Arbresh.info
Mbi 50 persona kërkojnë ndihmë mjekësore në Spitalin e Bulqi...
Analistët: Qeveria rrezikon të ardhmen e Malit të Zi, po ofr...
Erdogan thotë se mund ta ftojë për vizitë në Turqi homologun...
AGK-ja thellësisht e shqetësuar me presionet politike në RTK
Kushdo që do të bëhet polic në Shqipëri, tashmë do të kalojë...
FC Ballkani niset për në Andorrë: Të motivuar për ta filluar...