Dita pa makina në Prishtinë, qytetarët lëvizin me biçikleta

10:47 | 22 Shtator 2018
M. A.

Në Kosovë shënohet dita pa makina. Ministria e Mjedisit dhe Planifikimit Hapësinor në bashkë organizim me Komunën e Prishtinës, OJQ-të “Lets do it Kosova”, “REC”, “GAC” dhe SHFMU “Shkolla e Gjelbër” ka shënuar 22 Shtatorin Ditën Ndërkombëtare pa Makina.

Para objektit të Qeverisë gjegjësisht ndërtesës “Ish Rilindja” janë mbajtur disa aktivitete ku pastaj “Adventure Trips Kosovo” organizon një tur me biçikleta duke filluar nisjen nga qeveria në rrugët kryesore të kryeqytetit.

Dita Botërore e Qyteteve pa makina është një përkujtim i jetës publike e qytetare, e lirë nga zhurmat, stresi dhe ndotja e makinave. Ditët pa makina janë organizuar fillimisht gjatë krizës së naftës në 1970ën, ndërsa në qytetet europiane janë organizuar në fillim të viteve 1990-të./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm