Google ADS

Disa vetura të mediave demolohen në Zveçan, reagon AGK-ja

09:19 | 30 Maj 2023
Diellza Gashi

Asociacioni i Gazetarëve të Kosovës ka reaguar pasi disa vetura të mediave të Kosovës gjatë mëngjesit të sotëm janë gjetur tërësisht të demoluara.

Përmes një komunikate për media, AGK-ja ka shprehur shqetësim të madh për situatën dhe sigurinë e gazetarëve gjatë raportimit gjatë ditëve të fundit në veri të vendit.

Sipas AGK-së, në video shihen xhamat e thyer, gomat e shpërthyera e simbole nacionaliste të shënuara në veturë.

“Asociacioni i Gazetarëve të Kosovës është thellësisht i shqetësuar me pamjet e dhëna nga këto dy mediume, dhe u bëjmë thirrje të gjithë kolegëve që të kenë kujdes të shtuar gjatë raportimit”, thuhet në reagim.

Në fund AGK-ja bënë thirrje të gjitha organeve kompetente që të ofrojnë siguri në gazetari për raportortimet në këto katër komunat në veri.

Po ashtu ata thanë që këto raste të gazetarëve duhet t’i hetojnë me prioritet sulmet ndaj mediave që kanë ndodhur dje./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm