Presidenti i vendit Hashim Thaçi ka marrë sot një propozim të pa dëgjuar më parë.
Veròljub Petronic drejtor ekzekutiv i HumaniCentar dhe hulumtues i sferës së sigurisë në Mitrovicën e Veriut i ka propozuar Thaçit që të ftoj në Prishtinë presidentin e Serbisë, Aleksandër Vuçiq, shkruan arbresh.info.
Kjo kërkesë e tij ka ardhur gjatë një Forumi që po mbahet në Prishtinë e ku po diskutohet për ndryshimin e mandatit të FSK-së.
“Pse zotëri Thaçi ju nuk e keni thirr Vuciqin me i thënë ejani në Prishtinë dhe e kundërta. Kërkoj falje që bëjë një propozim të tillë por shpresoj që do të ecim në hapa më tutje në rast se ndodhë kjo”, ka thënë Petronic duke folur për formimin e ushtrisë së Kosovës.
Propozimit të Veròljub Petronic iu përgjigj presidenti Thaçi duke thënë se procesi i shndërrimit të FSK do të jetë i suksesshëm.
“FSK nuk është vazhdimësi e TMK por është forcë e re. Është jetike që të vazhdohet konsultimi me të gjitha komunitetet e në veçanti me komunitetin serb e po ashtu edhe me komunitetet tjera. Gjithashtu unë kam diskutuar me komunitetin serb në kohëra të ndryshme për themelimin e Forcave të Armatosura. Ekziston vullneti i mirë prej të gjithëve në kryerjen e këtij obligimi. Forcat e Armatosura formohen për ruajtjen e paqes në rajon. Po ashtu u përmend edhe frika definitivisht për mua është argument i paqëndrueshëm mos pëlqimi i krijimit të Forcave të Armatosura kinse serbët po frikësohen. Sikurse sot FSK, edhe nesër Forcat e Armatosura do të jenë në shërbim të gjithëve. Ato nuk janë të drejtuara kundër askujt”, ka thënë ai.
Sipas tij Kosova mund të ndërtohet bashkërisht e jo me frikë ndaj njëri tjetrit./arbresh.info/
Trepça fiton derbin lokal, Prishtina e Re ‘shkatërron’ Vjosë...
Izraeli nis hetimet pasi ushtarët e tij u filmuan duke hedhu...
Maqedonci krenar dhe i emocionuar me betimin e 20 kadetëve t...
Prishtina merr fitore të madhe ndaj Dukagjinit
Raya zbulon sekretin për dy pritjet magjike natën e mbrëmshm...
Dogana arreston dy të dyshuar, për shmangie nga detyrimet do...