Pasditen e së mërkurës, në fshatin Godanc të Drenasit, përkatësisht afër Gurit të Plakës, është raportuar për një zjarr në malet e kësaj zone.
Në vendin e ngjarjes kanë dalë menjëherë zjarrfikësit e Komunës së Drenasit dhe Policia, ndërsa për se afërmi ka qëndruar edhe kryetari i Komunës, Ramiz Lladrovci, bën të ditur Komuna, nëpërmjet një njoftimi.
Sipas informatave të para zyrtare nga ana e Policisë në Drenas, ende nuk dihet si ka ardhur deri te djegia e pyjeve.
“Lladrovci gjatë qëndrimit ne vendin e ngjarjes, u ka bërë apel gjithë qytetarët që të ruajnë ambientin dhe të mos i dëmtojnë pyjet, me theks të veçantë ka bërë apel që të mos djegin hamulloret (sarrnishtet) sepse ato ara që kanë afërsi malet, shkaktohet edhe zjarri”, thuhet në njoftim.
Pas tre ore punë të pandërprera të zjarrfikësve të Drenasit ka qenë e pa mundur lokalizimi i zjarrit, pasi që terreni ishte i papërshtatshëm dhe zjarrfikësit janë detyruar që me çanta shpine të lokalizojnë zjarrin, prandaj ndihma është kërkuar edhe nga zjarrfikësit e Komunës së Skenderajt dhe të Malishevës, bën të ditur njoftimi.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...