Policia e Kosovës e ka arrestuar dje pasdite një serb në komunën e Klinës. Milorad Zajiq u arrestua në Stacionin e Policisë në Klinë, pasi shkoi për t’u informuar për një vjedhje që i kishte ndodhur, raporton KTV.
Pas arrestimit në Klinë, ai është bartur në Prishtinë dhe dyshimet e Prokurorisë janë se ai lidhet me krime lufte ndaj shqiptarëve në vitet 1998/99.
Ishte kthyer për të jetuar në shtëpinë e tij në Klinë, por nuk qëndroi gjatë.
Milorad Zajiq nga komuniteti serb, vërejti që në shtëpinë e tij në lagjen “Tikvesh”
kishin hyrë hajnat dhe për këtë ka denoncuar në polici.
“Milorad Zajiq me t’u kthyer në shtëpinë e tij në Komunën e Klinës, në të cilën kishte jetuar para luftës, kishte denoncuar në polici një vjedhje në shtëpi, por ai menjëherë është arrestuar pasi emri i tij gjendej në listën e personave të kërkuar për krime lufte në Kosovë.”
Ai fillimisht ishte ankuar në komunë, e cila e ka drejtuar në polici, ku edhe ka përfunduar në pranga.
Banorët e kësaj ane nuk dëshiruan të flasin para kamerës, por, sipas tyre, Zajiq para luftës kishte bashkëpunuar me drejtorin e policisë së Klinës kundër shqiptarëve të kësaj komune.
Madje, ata thonë se të dy ishin kushërinj mes vete.
Shefi i Zyrës për komunitete në komunën e Klinës, Ranko Kostiq, ka thënë se arrestimi është shumë shqetësues dhe se kjo shkon në kundërshtim të përpjekjeve për kthimin e komunitetit serb në Klinë.
Mbretëri e Bashkuar, vdekjet nga kokaina u rritën 30%
Barça deklason Bayern, Atletico bie nga Lille, Inter fiton m...
Interesim i lartë për Fest 2, rezervohen biletat për natën f...
Ilir Meta mbetet në burg, flet avokati i tij pas këtij vendi...
Misioni amerikan në OKB shkruan për takimin e Ambasadorit Wo...
Çfarë e shkakton gjakderdhjen nga hunda/ Si ta ndaloni atë