Raportuesja për Kosovën në Parlamentin Evropian, Viola Von Cramon është shprehur e zhgënjyer për dështimin e Kosovës për t’u anëtarësuar në Këshill të Evropës.
Cramon tha se shpreson që ky të mos jetë shansi i humbur përgjithmonë dhe kjo të jetë “vetëm një shtyrje e këtij vendimi”.
“Më vjen shumë keq! Ishte një shans i madh për t’u bërë pjesë e një prej institucioneve më të rëndësishme siç është KiE. Këshilli i Evropës është një institucion i rëndësishëm dhe Kosova pati shanse reale. Shpresoj që ky të mos jetë shans i humbur përgjithmonë, dhe uroj që kjo është vetëm një shtyrje e këtij vendimi”, ka thënë Cramon, gjatë një interviste për Kanal10.
Cramon ka thënë më tej se shpreson që Kosova të jetë në rend ditë në seancën e ardhshme të Këshillit të Ministrave.
“Shpresoj që Këshilli dhe Komiteti i Ministrave ta vendosin në rend dite në seancën e tyre të ardhshme, dhe shpresoj shumë, që Qeveria e Kosovës para kësaj, ta dorëzojë draft – statutin e Asociacionit të Komunave me Shumicë serbe në Gjykatën Kushtetuese”, ka thënë Cramon.
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...
“U intervistova për zbardhjen e të vërtetës”, De...
Vdes 111 vjeçarja nga Ferizaj, Xhezide Alija, një ndër gratë...
Termat “Prindi 1” dhe “Prindi 2”, Pacolli:...
“U qëllua me 6 plumba prapa shpinës”, detaje për incidentin ...