Deputetit shqiptar i vjen ta gjuajë me këpucë Presidentin Ivanov

13:28 | 27 Dhjetor 2017
Arbresh.info

Presidenti i Maqedonisë Gjorge Ivanov dje në fjalimin e tij përmbyllës për vitin 2017 para deputetëve të Kuvendit të Maqedonisë u shpreh se Ligji për gjuhët është jo kushtetues dhe represiv.

Po ashtu Ivanov nuk kurseu nga fjalori i tij të ashtuquajturën deklarata e Tiranës, ndërsa akuza lëshoi edhe në adresë të Prishtinës zyrtare.

Në këtë pjesë ai fajësoi Qeverinë e Kosovës për ndihmën financiare që ka ndarë për familjet e personave të vrarë në ngjarjet e 9 dhe 10 majit të vitit 2015 në Kumanovë, duke thënë se me këtë vendim ka shprehur jo falenderim për kujdesin e Maqedonisë ndaj refugjatëve gjatë luftës së vitit 1999.

Nisur nga ky fjalim deputeti shqiptar i LSDM-së, Muhamed Zekiri u shpreh se nuk e ka pasur lehtë ta përcjellë fjalimin vjetor të presidentit maqedonas Gjorge Ivanov.

Zekiri ka postuar një fotografi në facebook nga seanca e djeshme gjatë fjalimit të Ivanovit, duke e shoqëruar me komentin: Kur mundohesh të mos e gjuash me kepucë Ivanovin. /albeu.com/

Shpërndaje në rrjete sociale

Lajmet më të lexuara

Të ngjashme

Foto lajm