Në gjykimin e Naser Osmanit dhe shtatë të akuzuarve të tjerë rreth privatizimit të fabrikës “FAN” në Podujevë, është ndërprerë seanca gjyqësore pasi që i akuzuari, deputeti Naser Osmani në pjesën e pasdites nuk u paraqit në sallë të gjykatës.
Në kohën për të cilën akuzohet, Osmani ka qenë anëtar i bordit të Agjencisë Kosovare të Privatizimit (AKP).
Për pjesën e paradites së sotme, mbrojtësi i Naser Osmanit, avokati Besnik Berisha i kërkoi trupit gjykues që për shkak të disa obligimeve që ai kishe në orët e paradites të ndërrohej rendi i marrjes në pyetje.
Ky gjykim bën pjesë nv listën e rasteve që janë shënjestruar nga Komisioni Europian si kusht që Kosova ta marrë liberalizimin e vizave.
Shqyrtimi kishte qenë i paraparë që të fillonte me marrjen në pyetje të të akuzuarit të parë Naser Osmani por me kërkesën e avokatit Besnik Berisha, trupi gjykues e aprovoi kërkesën e avoaktit që për pjesën e paradites të fillojë marrja në pyetje me të akuzuarin e dytë Bahri Shabani, raporton Kallxo.com.
I akuzuari Bahri Shabani përfundoi marrjen në pyetje në pjesën e paradites.
Pas pauzës se drekës, trypi gjykues u kthye në sallë dhe pas konstatimit të palëve në procedurë, në sallë munguan i akuzuari Naser Osmani si dhe mbrojtësi i tij Besnik Berisha.
Naser Osmani u kontaktua në telefon nga avokatët e tjerë të pranishëm ne sallë. Osmani u kishte thënë atyre se për momentin ndodhej në seancën në Kuvendin e Kosovës por po të jetë e nevojshme do të paraqitet përseri në gjykatë.
“Kemi bërë ndryshimin e marrjes në pyetje vetëm për pjesën e paraditës”, tha kryetari i trupit gjykues, Shasivar Hoti.
“Largimi nga gjykatorja edhe mos prezenca në sesionin e pasdites paraqet pengesë për mos vazhdim të seancës” shtoi Hoti i cili në mungesë të kushteve procedurale për të vazhduar më tej, e nderpreu seancën dhe vazhdimin e të njëjtës e caktoi për datën 13 korrik ku pritet ta japë mbrojtjen i akuzuari Naser Osmani.
Në këtë rast gjyqësor, Naser Osmani bashkë me 7 persona të tjerë po gjykohen në lidhje me privatizimin e fabrikës “Fan” në Podujevë.
Në kohën për të cilën akuzohet, deputeti Osmani ka qenë anëtar i Bordit të Agjencisë Kosovare të Privatizimit.
Përveç tij, pjesë e gjykimit janë edhe Bahri Shabani, Melita Ymeraga, Shkëlzen Lluka, Naim Avdiu, Agron Kamberi dhe Adrian Kelmendi (të gjithë zyrtarë të AKP-së), si dhe Agim Deshishku si blerës i fabrikës “Fan”.
KALLXO.com ka përcjellë në vazhdimësi këtë proces./kallxo.com/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...