Deputeti i Nismës: Opozita asnjëherë nuk mund ta rrëzoj Qeverinë

21:59 | 30 Gusht 2018
M. A.

Shefi i Grupit Parlamentar të Nismës Social Demokrate Bilall Sherifi, ka shprehur bindjen e plotë se opozita aktuale në Kuvend nuk mund ta rrëzojë asnjëherë Qeverinë.

Ai ka thënë se pavarësisht ndonjë bashkimi, ose bashkëpunimi aktual të opozitës, qoftë në Kuvend qoftë jashtë saj, ata nuk do arrijnë ta rrëzojnë Qeverinë.

Në një intervistë për Gazetën Blic, Sherifi ka thënë se qeveria mund të rrëzohet vetëm nga mazhoranca.

“Pakicat në Kuvend janë të mira, por ata nuk mund ta rrëzojnë Qeverinë, qeveria mund të rrëzohet vetëm nga mazhoranca, e keni parë të gjitha qeveritë që janë rrëzuar deri tash, janë rrezuar nga partitët në pushtet dhe jo nga opozita. Qeveria nuk rrëzohet ansjeherë nga opozita, qeveria gjithherë rrezohet nga vet mazhoranca”

Sherifi ka thënë se nuk i frikësohen një bashkimi opozitar, kundër Qeverisë Haradinaj.

Ai ka thënë se qeveria i ka numrat, dhe se Lista Serbe asnjëherë nuk është larguar nga koalicioni qeverisës.

Shpërndaje në rrjete sociale

Lajmet më të lexuara

Të ngjashme

Foto lajm