Deputeti i Lidhjes Demokratike të Kosovës, Naser Rugova, i ka bërë ftesë publike Kryeministrit Ramush Haradinaj që ta marrë guximin dhe ta udhëheqë dialogun me Serbinë.
Ai shtoi se LDK’ja e mbështetë dialogun me Serbinë, por sipas tij duhet që institucionet legjitime të udhëheqin me këtë proces.
“Tarifa e vendosur ndaj Serbisë është një vendim i një Qeverie sovrane. Mirëpo për këtë masë të marrë prej Qeverisë nuk është pyetur LDK’ja fare. Bile ka pasur një garë midis partnerëve të koalicionit për t’i marrë meritat e kësaj takse”, tha Rugova për Klan Kosovën.
“Sa i përket dialogut me Serbinë, LDK’ja është partia më komode në Kosovë. Por në këtë situatë arrogance, thjeshtë ne hezitojmë të marrim pjesë. Prandaj i bëj ftesë publike Kryeministrit Ramush Haradinaj: Zotri merre përgjegjësinë dhe udhëheq me dialogun. Mirëpo zoti Haradinaj ka deklaruar se ka punë tjera në vend se të merret me dialogun. Prandaj kjo mënyrë e tij është e papërgjegjshme. Ne si LDK thjeshtë jemi për dialog, por jemi që institucionet legjitime të udhëheqin me dialogun”, tha ai.
“Kam dëgjuar se Kryeministri Haradinaj ka thënë disa herë se është i interesuar që ta ndalojë Presidentin Thaçi me idenë e tij për korrigjimin e kufijve. Prandaj i them merre guximin politik dhe udhëhiqe dialogun për ta ndalur Presidentin Thaçi”, tha Rugova.
Turki Alalshikh ka gjetur kundërshtarin e radhës për Daniel ...
Kriza në Lindjen e Mesme, Blinken: Izraeli ka të drejtë të m...
Rama në OKB: Kosova, realitet i pakthyeshëm ndërkombëtar
Kurti u takua me kryeministrin e Kroacisë, diskutuan për rap...
Ushtria izraelite urdhëron banorët në disa zona të Bejrutit ...
Nuk do të dalin nga moda: Tapeta muri me lule për çdo shtëpi