Deputeti gjerman, Reinhard Butikofer ka reaguar pas takimit të sotëm të nivelit të lartë në Bruksel në kuadër të dialogut.

Me anë të një postimi në X (ish-Twitter), Butikofer ka thënë se Bashkimi Evropian duhet të fillojë t’i thotë Vuçiqit që të mosvendosurit mes orientimit të Moskës dhe orientimit të Brukselit nuk është më e tolerushme , shkruan Arbresh.info.

Tutje ai ka treguar pasojat nëse presidenti i Serbisë dëshiron të luajë rolin e njeriut të Putinit.

“Nëse ai dëshiron të luajë një rol si njeriu i Putinit në Ballkanin Perëndimor dhe të ndjekë një agjendë më të madhe të Serbisë, ai mund të përpiqet ta bëjë këtë. Por pastaj perspektiva e integrimit zhduket dhe rrjedhja e parave thahet dhe ai ”, ka shkruar deputeti gjerman.

“Detyrojeni atë që të jetë i sinqertë me serbët: Vazhdimi i ekuivokimit nuk është një opsion për Serbinë nga një perspektivë evropiane”, tha ndër të tjera Butikofer.

Ndër të tjera ai ka kërkuar ndryshimin e kursit të SHBA-ve dhe BE-së në raport me Serbinë .

“Minimi i stabilitetit, sigurisë dhe përparimit demokratik të Kosovës dhe Bosnjës dhe Hercegovinës nga Serbia duhet të ndalet tani! SHBA dhe BE duhet të ndryshojnë kursin. Nacionalizmi agresiv nuk ka vend në Evropën e integrimit. Bëje Serbinë të zgjedhë. Unë besoj se njerëzit do të zgjedhin Evropën”, përfundoi ai./Arbresh.info

The EU must start telling Serbia’s Vučić, that not deciding between a Moscow orientation and a Brussels orientation is no longer tolerable. If he wants to play a role as Putin’s man in the Western Balkans and to pursue a greater Serbia agenda, he can try to do that. But then … https://t.co/So6lCmgt2z

— Reinhard Bütikofer (@bueti) September 14, 2023