Deputetët asnjëherë s’bën përpjekje për të rritur pagën minimale në vend

20:18 | 30 Mars 2017
M. A.

U votuan nga populli për t’i përfaqësuar interesat e tyre në organin më të lartë ligjvënës, mirëpo ka shumë çështje që të zgjedhurit e qytetarëve nuk i ngritën fare në Kuvend.

Derisa një deputet i Kuvendit të Kosovës merr pagën bazë mujore 1 mijë e 488 euro, asnjëri nga ligjvënësit nuk inicioi çështjen e rritjes së pagës minimale në vend.

Përkundër kësaj, deputetët ka dhjetëra herë që si çështje e ngritën atë të rritjes së pagave e mëditjeve për vete, e asnjëherë nuk e bënë një kërkesë se si të gjendet zgjidhje për rritjen e pagës minimale në vend.

Madje, edhe paga minimale është e kategorizuar. Deri në moshën 35-vjeçare nuk arrin më shumë se 130 euro, ndërsa mbi moshën 35-vjeçare shkon deri në 170 euro.

Paga e ultë minimale nuk ishte shqetësim i madh as edhe për subjektet opozitare. Thonë se një nismë të tillë do ta marrin në seancën e nesërme të Kuvendit.

Për dallim nga paga minimale që arrin 170 euro, paga mesatare në Kosovë është 360 euro.

Shpërndaje në rrjete sociale

Lajmet më të lexuara

Të ngjashme

Foto lajm