Deponohen 1464 € të falsifikuara në një bankomat në Fushë Kosovë

08:33 | 16 Shkurt 2024
R J

Policia e Kosovës ka raportuar se një menaxhere e bankës ka njoftuar se në bankomatin e tyre janë deponuar monedha të falsifikuara.

Sipas raportit 24 orësh të PK-së, thuhet se janë deponuar rreth 732 monedha metalike nga 2€, në vlerë rreth 1464 €, të cilat dyshohet të jetë të falsifikuara.

Rasti është iniciuar si rast nën hetime.

“Rr. Nëna Terezë, Fushë Kosovë  15.02.2024. Ankuesja femër kosovare, menaxhere e bankës ka njoftuar se në bankomatin e tyre janë deponuar rreth 732 monedha metalike prej 2€, në vlerë rreth 1464 € të cilat dyshohet të jenë të falsifikuara. Parat e dyshuara janë konfiskuar, ndërsa rasti vazhdon të hetohet”, thuhet në njoftim./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm